Պայթուն Չարենցավանի գազալցակայանում: Աշխատակիցը մահացել է

Մայիսի 30-ին, ժամը 23.50-ին, ոստիկանության Չարենցավանի բաժնում ահազանգ է ստացվել, որ Չարենցավան քաղաքի Եսայան փողոցի թիվ 8/10 հասցեում գտնվող գազալցակայանում պայթուն է տեղի ունեցել:
Մեկնած օպերատիվ խումբը պարզել է, որ նույն օրը, ժամը 23.45-ի սահմաններում, «ՎԱԶ 21011» մակնիշի ավտոմեքենայի գազաբալոնը լիցքավորման ընթացքում պայթել է, ինչի հետևանքով գազալցակայանի աշխատակիցը` 1966 թ. ծնված Գրիգոր Սիմոնյանը, տեղում մահացել է:
Կատարվում է քննություն: