Պլանշետ գողացողը, ում արձանագրել էր տեսախցիկը` հայտնաբերվեց (ՏԵՍԱՆՅՈՒԹ)
![Պլանշետ գողացողը, ում արձանագրել էր տեսախցիկը` հայտնաբերվեց (ՏԵՍԱՆՅՈՒԹ) Պլանշետ գողացողը, ում արձանագրել էր տեսախցիկը` հայտնաբերվեց (ՏԵՍԱՆՅՈՒԹ)](/timthumb?src=/resources/police/img/news/big/1407508621,3674.jpeg&q=75&w=780&wm=1)
Հունիսի 25-ին, ժամը 14.00-ի սահմաններում, Չարենցավան քաղաքի էլեկտրոտեխնիկայի խանութից գողացել էին պլանշետ` ընկերությանը պատճառելով 115 000 դրամի նյութական վնաս:
Խանութի տեսաձայնագրող սարքերն արձանագրել էին գողության պահը: Տեսանյութը օգոստոսի 1-ին ցուցադրվեց «Հերթապահ մաս» հաղորդաշարով: Ոստիկանության ծառայողների բացատրական աշխատանքների արդյունքում` օգոստոսի 6-ին Չարենցավանի բաժին է ներկայացել տեսանյութում պատկերված անձը` 1984 թ. ծնված Աշոտ Աբրահամյանն ու խոստովանել հանցանքը:
Ձեռնարկվում են միջոցառումներ գողոնը հայտնաբերելու ուղղությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: