ՌԴ իրավապահների կողմից հետախուզվողը հայտնաբերվեց Երևանում

Մայիսի 7-ին, ժամը 15.00-ին, ոստիկանության քրեական հետախուզության գլխավոր վարչության ծառայողները Երևան քաղաքի Նալբանդյան-Իսահակյան փողոցների խաչմերուկից բերման են ենթարկել 1970 թ. ծնված Ղուկաս Ե.-ին, որը 2016թ. նոյեմբերի 17-ից ՌԴ Մոսկվա քաղաքի Արևմտյան վարչական շրջանի իրավապահների կողմից հետախուզվում է ՌԴ քրեական օրենսգրքի 171.2 հոդվածի 2-րդ մասի Ա կետի մեղադրանքով: