ՌԴ իրավապահների կողմից հետախուզվողը հայտնաբերվեց «Զվարթնոց» օդանավակայանում

Ոստիկանության «Զվարթնոց» օդանավակայանի գծային բաժնի քրեական հետախույզները ձեռնարկած օպերատիվ-հետախուզական միջոցառումների շնորհիվ ապրիլի 15-ին Լառնակա-Երևան չվերթի ինքնաթիռի ժամանումից հետո օդանավակայանում հայտնաբերել, ձերբակալել և գծային բաժին են տարել Իսրայելի քաղաքացի, 54-ամյա Զավեն Ի.-ին: Նա 2017 թ. դեկտեմբերի 28-ից ՌԴ իրավապահների կողմից հետախուզվում էր հափշտակության կամ ուրիշի ունեցվածքի յուրացման, կեղծ փողերի կամ արժեթղթերի արտադրության կամ վաճառքի մեղադրանքով:
Խափանման միջոցը՝ կալանք:
Հայտնաբերման մասին հայտնվել է հետախուզումը նախաձեռնողին և դատախազությանը: