ՌԴ իրավապահների կողմից հետախուզվողը հայտնաբերվեց Խանջյան փողոցում

Ոստիկանության Կենտրոնական բաժնի ՔՀԲ ծառայողները օգոստոսի 19-ին Խանջյան փողոցից բերման են ենթարկել 29-ամյա Արթուր Ռ.-ին, որը 2019 թ. հոկտեմբերի 1-ից Մոսկվայի իրավապահների կողմից հետախուզվում էր ՌԴ քրեական օրենսգրքի 228-րդ հոդվածի (Թմրամիջոցներ ձեռք բերելը և պահելը) մեղադրանքով:
Խափանման միջոցը՝ կալանք:
Հայտնաբերման մասին հայտնվել է հետախուզումը նախաձեռնողին և դատախազությանը: