ՌԴ իրավապահների կողմից հետախուզվում էր մարմնական վնասվածք պատճառելու մեղադրանքով

Ոստիկանության ՔՈԳՎ և Արմավիրի բաժնի քրեական հետախույզների համատեղ ձեռնարկած օպերատիվ-հետախուզական միջոցառումների շնորհիվ մայիսի 30-ին Փշատավան գյուղից Արմավիրի բաժին բերման է ենթարկվել 27-ամյա Արման Շ.-ն, որը ապրիլի 29-ից Մոսկվայի մարզի ոստիկանության կողմից հետախուզվում էր ՌԴ քրեական օրենսգրքի 112-րդ հոդվածի (Առողջությանը դիտավորությամբ միջին ծանրության վնաս պատճառելը) մեղադրանքով:
Խափանման միջոցը՝ կալանք:
Հայտնաբերման մասին հայտնվել է հետախուզումը նախաձեռնողին: