Ինքնաձիգ, զինամթերք և թմրամիջոց՝ խուզարկությամբ

Ոստիկանության քրեական հետախուզության գլխավոր, Արմավիրի մարզային վարչությունների և Վաղարշապատի բաժնի ծառայողները, Արմավիրի մարզի ընդհանուր իրավասության դատարանի որոշմամբ, խուզարկություն են կատարել 1990 թ. ծնված, նախկինում դատապարտված Սուրեն Վ.-ի տանը, որտեղից հայտնաբերվել և առգրավվել է ԱԿՄ տիպի ինքնաձիգ, ինքնաձիգի 1 փամփշտակալ, 7.62 մմ տրամաչափի 4 փամփուշտ և 2 փաթեթ` մոտ 0.8 գ և 11.1 գ «մարիխուանա» տեսակի թմրամիջոցի նմանվող դեղնականաչավուն զանգվածով:
Ըստ Սուրեն Վ.-ի հայտարարության` ինքնաձիգը 2015 թ. դեկտեմբերի սկզբին իրեն է տվել նույն քրեական գործով կալանավորված Արսեն Ղ.-ն, իսկ թմրամիջոցը պահել էր իր տանը՝ անձնական օգտագործման համար:
Կատարվում է քննություն: