Սեմինար-խորհրդակցություն ոստիկանությունում (ՏԵՍԱՆՅՈՒԹ, ԼՈՒՍԱՆԿԱՐՆԵՐ)
11.08.2015 18:14
Համակարգի լրատու
![Սեմինար-խորհրդակցություն ոստիկանությունում (ՏԵՍԱՆՅՈՒԹ, ԼՈՒՍԱՆԿԱՐՆԵՐ) Սեմինար-խորհրդակցություն ոստիկանությունում (ՏԵՍԱՆՅՈՒԹ, ԼՈՒՍԱՆԿԱՐՆԵՐ)](/timthumb?src=/resources/police/img/news/big/1439302880,9396.jpeg&q=75&w=780&wm=1)
Օգոստոսի 11-ին ոստիկանությունում տեղի ունեցավ սեմինար-խորհրդակցություն, որը վարում էր ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանը:
Խորհրդակցությանը, որի թեման ՀՀ սահմանադրական բարեփոխումներն էին, մասնակցում էին ոստիկանության կոլեգիայի անդամներ, կենտրոնական ապարատի ծառայությունների ղեկավարներ, տարածքային վարչությունների և բաժինների պետեր:
ՀՀ Նախագահին առընթեր սահմանադրական բարեփոխումների մասնագիտացված հանձնաժողովի անդամ, իրավաբանական գիտությունների դոկտոր Գևորգ Դանիելյանը ներկայացրեց բարեփոխումների նպատակը, սկզբունքները, կառավարման համակարգի փոփոխության առանձնահատկությունները:
Սահմանադրական բարեփոխումների հայեցակարգը ներկայացնելուց հետո Գևորգ Դանիելյանը պատասխանեց ոստիկանության գործունեության առաջնահերթություններին, գործառույթներին, օրենսդրական դաշտի նախատեսվող փոփոխություններին և սահմանադրական բարեփոխումներին վերաբերող մի շարք այլ հարցերի: