Սպիտակի ոստիկանները բացահայտեցին օտարերկրացու տնից կատարված գողությունը

Հունիսի 8-ին, ժամը 02.30-ին, Ուզբեկստանի մի քաղաքացի ոստիկանության Սպիտակի բաժնում հաղորդում է տվել, որ հունիսի 7-ի ժամը 19.30-ից մինչև ժամը 22.00-ն ընկած ժամանակահատվածում իր հյուրերից մեկը տնից գողացել է «Սամսունգ Գալաքսի A5» մոդելի բջջային հեռախոսը՝ պատյանով, որի մեջ եղել է 120.000 դրամ, վարորդական իրավունքի վկայական և բանկային քարտ:
Ոստիկանության ծառայողները, օպերատիվ տվյալներն իրացնելով, գողությունը կատարելու կասկածանքով, նույն օրը, ժամը 15.40-ին, Ալ.Մանուկյան փողոցից ոստիկանության Սպիտակի բաժին բերման են ենթարկել Սպիտակի 46-ամյա մի բնակչի, որը տվել է խոստովանական բացատրություն:
Նշանակվել է դատաապրանքագիտական փորձաքննութուն:
Գողոնը հայտնաբերվել և վերցվել է:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: