Ստեփանավանի ոստիկանները հետախուզվողին հայտնաբերեցին մայրաքաղաքում
![Ստեփանավանի ոստիկանները հետախուզվողին հայտնաբերեցին մայրաքաղաքում Ստեփանավանի ոստիկանները հետախուզվողին հայտնաբերեցին մայրաքաղաքում](/timthumb?src=/resources/police/img/news/big/1649835547-5126.jpeg&q=75&w=780&wm=1)
Ոստիկանության Ստեփանավանի բաժնի քրեական հետախույզներն ու համայնքային ոստիկանները համատեղ ձեռնարկած միջոցառումների շնորհիվ ապրիլի 12-ին Երևանի Ուլնեցու և Ահարոնյան փողոցների խաչմերուկից ոստիկանության Քանաքեռ-Զեյթունի բաժին բերման են ենթարկել 34-ամյա Ազատ Հ.-ին, որը ապրիլի 4-ից ոստիկանության Նոր Նորքի բաժնի կողմից հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:
Ազատ Հ.-ն հանձնվել է ոստիկանության Նոր Նորքի բաժնի ծառայողներին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: