Մասնագիտական պարապմունքների ստուգարքներ ոստիկանությունում (ՏԵՍԱՆՅՈՒԹ)

2014 թվականից սկսած՝ ոստիկանության պետի կողմից հաստատված պլանի համաձայն՝ ոստիկանության տարածքային բաժինների պետերի մասնակցությամբ տարվա ընթացքում տեղի են ունենում մասնագիտական պարապմունքներ, որոնց ավարտին տարածքային բաժինների պետերը հանձնում են ստուգարքներ։
Նոյեմբերի 27-ից ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանի գլխավորած հանձնաժողովը սկսեց ընդունել մասնագիտական պարապմունքների ստուգարքները։
Հանձնաժողովի առջեւ դրված խնդիրը հստակ է՝ ոստիկանության տարածքային բաժինների պետերի ցուցաբերած գիտելիքները դիտել որպես մասնագիտական պիտանիության չափորոշիչ։
Ստուգարքների ամփոփումից հետո հանձնաժողովը կներկայացնի համապատասխան վերաբերմունք՝ ոստիկանության տարածքային բաժինների պետերի մասնագիտական գիտելիքների վերաբերյալ։