Աշխատանքային խորհրդակցություն ոստիկանության ներքին անվտանգության վարչության պատասխանատուների հետ (ՏԵՍԱՆՅՈՒԹ և ԼՈՒՍԱՆԿԱՐՆԵՐ)

Դեկտեմբերի 9-ին ոստիկանության պետ, գեներալ-լեյտենանտ Վլադիմիր Գասպարյանը ոստիկանության ներքին անվտանգության վարչության պատասխանատուների հետ անցկացրեց աշխատանքային խորհրդակցություն:
Խորհրդակցութան ընթացքում քննարկվեցին ծառայության բարեփոխումների ընթացքն ու գործառույթները:
Անդրադառնալով, մասնավորապես, զանգվածային միջոցառումների ժամանակ ոստիկանության ծառայողների կողմից թույլ տրված խախտումներին եւ դրանց կանխարգելման գործում ներքին անվտանգության վարչության դերին՝ Վլադիմիր Գասպարյանը դրական գնահատեց ոստիկանության ծառայողների պատրաստականությունը եւ աշխատանքի որակը:
Ոստիկանության պետը կարեւորեց ներքին անվտանգության վարչությունում իրականացված ծավալուն բարեփոխումները եւ դրական գնահատեց արդյունքները:
Վլադիմիր Գասպարյանն անդրադարձավ նաեւ ոստիկանության ծառայողների իրավական ու սոցիալական ապահովման ուղղությամբ վարչության խնդիրներին:
Ամփոփելով խորհդրակցությունը՝ Վլադիմիր Գասպարյանն անդրադարձավ ոստիկանության համակարգի բարեփոխումներով արձանագրված ձեռքբերումներին եւ ընդգծեց գործընթացի շարունակականության անհրաժեշտությունը:
Ավարտին խորհրդակցության մասնակիցներին տրվեցին կոնկրետ ցուցումներ ու հանձնարարականներ: