Վանաձորի ոստիկանները հետախուզվողին հայտնաբերեցին Երևանում

Ոստիկանության Բազումի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ փետրվարի 26-ին Երևան քաղաքի Գարեգին Նժդեհի փողոցի շենքերից մեկում հայտնաբերվել և Բազումի բաժին բերման է ենթարկվել 46-ամյա Արմենուհի Թ.-ն, որը փետրվարի 23-ից հետախուզվում էր ՀՀ քրեական օրենսգրքի 178-րդ (Խարդախությունը) և 38-34-312-րդ (Կաշառք տալու փորձին հանցակցելը) հոդվածների մեղադրանքով:
Արմենուհի Թ.-ն ներկայացվել է վարույթն իրականացնող մարմնին: