Վանաձորում ավտոլվացման կետ է այրվել

Դեկտեմբերի 19-ին, ժամը 08.35-ին, ոստիկանության Վանաձորի բաժնում ահազանգ է ստացվել, որ ավտոլվացման կետ է այրվում:
Մեկնած օպերատիվ խումբը պարզել է, որ նույն օրը, ժամը 08.30-ի սահմաններում, հրդեհ է բռնկվել Վանաձոր քաղաքի Պարոնյան փողոցում գտնվող  ավտոլվացման կետում:
Հրդեհը մարվել է նույն օրը, ժամը 09.15-ին, մարտական 1 հաշվարկի ուժերով:
Հրդեհի առաջացման պատճառը և պատճառված նյութական վնասի չափը պարզելու նպատակով նշանակվել է համալիր փորձաքննություն:
Հրդեհային պետական տեսչության կողմից կատարվում է հետաքննություն: