Հետախուզվողը հայտնաբերվեց Վարդենիսում

Հունվարի 5-ին ոստիկանության Գեղարքունիքի մարզային վարչության, Վարդենիսի և Ճամբարակի բաժինների ծառայողների համատեղ ձեռնարկած օպերատիվ-հետախուզական միջոցառումների շնորհիվ Վարդենիս քաղաքի Վ. Համբարձումյան փողոցից հայտնաբերվել և ժամը 15.30-ին բաժին բերման է ենթարկվել 1980 թ. ծնված Արկադի Մ.-ն, որը 2021 թ. դեկտեմբերի 1-ից Ճամբարակի բաժնի կողմից հետախուզվում էր ՀՀ քրեական օրենսգրքի 178-րդ հոդվածի (Խարդախությունը) մեղադրանքով:
Խափանման միջոցը՝ ստորագրություն:
Արկադի Մ.-ն ներկայացվել է նախաքննական մարմնին: