Ոստիկանները Վարդենիսում զենք-զինամթերք են հայտնաբերել

Օգոստոսի 17-ին քրեական ոստիկանության գլխավոր և Գեղարքունիքի մարզային վարչությունների ծառայողները, Վարդենիսի բաժնի քրեական հետախույզների հետ համատեղ, հարուցված քրեական գործի շրջանակներում, դատարանի որոշմամբ, խուզարկություն են կատարել Վարդենիս քաղաքի տներից մեկում և օժանդակ շինություններում:
Իրավապահները խուզարկությամբ հայտնաբերեցին հակատանկային ձեռքի նռնակ, նռնակի երկու պայթուցիչ, ռետինե մահակ և մոտ 250 տարբեր տրամաչափի փամփուշտ:
Տանտերը հայտնել է, որ զենք-զինամթերքը Արցախյան ազատամարտի տարիներին է բերել Քարվաճառից:
Հայտնաբերվածն առգրավվել է դատաձգաբանական փորձաքննություն նշանակելու համար:
Նախաքննությունը շարունակվում է: