Վարորդը վրաերթի էր ենթարկվել ու մահացել

Օգոստոսի 2-ին, ժամը 09.15-ին, շտապօգնության կայանից հաղորդում էր ստացվել, որ Վանաձորի Երրորդ մաս թաղամասի ջրատարի մոտ տղամարդու դիակ կա: Պարզվել է, որ ժամը 09.00-ի սահմաններում «Օպել Վեկտրա» մակնիշի մեքենայի 40-ամյա վարորդ Արեն Հովսեփյանը մեքենան կայանել է թեք ճանապարհին և դուրս եկել մեքենայից, ապա նկատելով, որ մեքենան հետընթաց ընթանում է՝ փորձել է ձեռքերով կանգնեցնել, սակայն վրաերթի է ենթարկվել ու մահացել:
Կատարվում է քննություն։