ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

Վիճաբանության պատճառը պարզվեց

Նոյեմբերի 2-ին, ժամը 20.55-ին, ոստիկանություն էր զանգահարել անհայտ քաղաքացի և հայտնել, թե Խաչիկ Դաշտենցի փողոցի 20 հասցեի մոտ մարդասպանություն կլինի, զենք են պահել տաքսու վարորդի վրա:
Էրեբունու ոստիկանները շտապ մեկնել էին դեպքի վայր:
Քիչ անց կրկին ահազանգ էր ստացվել, թե վիճաբանության ձայներ են հնչում ավտոշուկայի մոտ, իր հեռախոսն էլ տարել են:
Նույն օրը, ժամը 21.10-ին, ոստիկանության Երևան քաղաքի վարչության ՊՊԾ գնդի ծառայողները նույն հասցեի մոտից բաժին էին բերման ենթարկել Հարավկովկասյան երկաթուղու երեք աշխատակցի: Նրանցից մեկի անձնական խուզարկությամբ հայտնաբերվել էր «Վալտեր» տիպի գազային ատրճանակ՝ համապատասխան թույլտվությամբ:
Նյութերի նախապատրաստման ընթացքում պարզվել է, որ նոյեմբերի 2-ին, ժամը 20-ին, նշված հասցեում երկաթուղու աշխատակիցներից մեկը գումարային հարցի շուրջ վիճաբանել է իր ծանոթի՝ Խաղաղ Դոնի փողոցի 28-ամյա բնակչի հետ: Նա ներկայացել է բաժին և տվել բացատրություն:
Նախապատրաստված նյութերը փոխանցվել է հետաքննության բաժանմունք:

 

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: