Ոստիկանության Վայոց ձորի մարզային վարչությունում ամփոփվեցին 2015 թ. 9 ամիսների օպերատիվ-ծառայողական գործունեության արդյունքները

Հոկտեմբերի 12-ին ոստիկանության Վայոց ձորի մարզային վարչությունում տեղի ունեցավ օպերատիվ խորհրդակցություն, որը վարում էր ՀՀ ոստիկանության քրեական հետախուզության գլխավոր վարչության պետ Գագիկ Ավետիսյանը:
Օրակարգում մարզային վարչության և ենթակա ստորաբաժանումների ծառայողների կողմից 2015 թ. ինն ամիսների ընթացքում կատարված աշխատանքների արդյունքների ամփոփումն էր:
Ոստիկանության Վայոց ձորի մարզային վարչության պետի տեղակալ, ինքը և շտաբի պետ, ոստիկանության գնդապետ Ա. Արտաշյանը հանգամանորեն ներկայացրեց մարզային վարչության և ենթակա ստորաբաժանումների 2015 թ. 9 ամիսների օպերատիվ-ծառայողական գործունեության արդյունքները: Հաշվետու ժամանակաշրջանում Վայոց ձորի մարզի տարածքում պահպանվել է կայուն և վերահսկելի օպերատիվ իրավիճակ: Ոստիկանության մարզային վարչությունը և նրա ենթակա ստորաբաժանումները հիմնականում կատարել են իրենց առջև դրված խնդիրները, պատշաճ կերպով ապահովել հասարակական կարգի պահպանությունն ու անվտանգությունը:
Մարզի ոստիկանությունը հանցագործությունների նախականխման ու բացահայտման ուղղությամբ ձեռնարկել է համապատասխան կանխարգելիչ և օպերատիվ հետախուզական միջոցառումներ:
Նախորդ տարվա 9 ամիսների համեմատ արձանագրվել է հանցագործության դեպքերի 14-ով կամ 9,7 %-ով նվազում: Գրանցված 131 դեպքերից բացահայտվել են 124-ը, չի բացահայտվել 7 - ը: Բացահայտումը կազմել է 94.7 %, ինչը միջին հանրապետականից բարձր է 17.9 %-ով:
Հաշվետու ժամանակաշրջանում հրազենի գործադրմամբ հանցագործության դեպքեր չեն արձանագրվել:
Օպերատիվ խորհրդակցությունը ոստիկանության Վայոց ձորի մարզային վարչության և ենթակա բաժինների կողմից 2015 թ. ինն ամիսներին իրականացված օպերատիվ-ծառայողական գործունեության արդյունքները գնահատել է «բավարար»:
Խորհրդակցության ընթացքում ոստիկանության քրեական հետախուզության գլխավոր վարչության պետ Գագիկ Ավետիսյանի կողմից տրվել են կոնկրետ հանձնարարականներ և նշվել են 2015 թ. հետագա ժամանակահատվածի հիմնական խնդիրները: