Վնասվածքը ստացել է ավտոմեքենայով մետաղացանցին բախվելու հետևանքով (ՏԵՍԱՆՅՈՒԹ, ԼՈՒՍԱՆԿԱՐՆԵՐ)
![Վնասվածքը ստացել է ավտոմեքենայով մետաղացանցին բախվելու հետևանքով (ՏԵՍԱՆՅՈՒԹ, ԼՈՒՍԱՆԿԱՐՆԵՐ) Վնասվածքը ստացել է ավտոմեքենայով մետաղացանցին բախվելու հետևանքով (ՏԵՍԱՆՅՈՒԹ, ԼՈՒՍԱՆԿԱՐՆԵՐ)](/timthumb?src=/resources/police/img/news/big/1521619489,8226.jpeg&q=75&w=780&wm=1)
Մարտի 20-ին, ժամը 4.25-ին, հիվանդանոցից ոստիկանության Նոր Նորքի բաժնում հաղորդում է ստացվել, որ «ստորին ծնոտի կոտրվածք» ախտորոշմամբ բուժօգնության է դիմել 19-ամյա երիտասարդ. նա հայտնել է, որ վնասվածքը ստացել է նույն օրը, ժամը 00.05-ին, իրենց շենքի մուտքի աստիճաններին վայր ընկելու հետևանքով:
Ոստիկանության ծառայողների միջոցառումների շնորհիվ պարզվել է, որ երիտասարդը մարմնական վնասվածքը ստացել է մարտի 20-ին, ժամը 00.30-ին, «Տոյոտա Կորոլա» մակնիշի ավտոմեքենայով Երևանի Սաֆարյան փողոցի թիվ 18 շենքի դիմաց մետաղյա ցանցին բախվելու և ծնոտով ղեկին հարվածելու հետևանքով:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: