Վնասվածքներ պատճառողին հայտնաբերելու ուղղությամբ միջոցառումներ են ձեռնարկվում

Ապրիլի 16-ին, ժամը 01.15-ին, հիվանդանոցից ոստիկանության Մալաթիայի բաժնում հաղորդում է ստացվել, որ «որովայնի առաջնային պատի կտրած-ծակած թափանցող վերք» ախտորոշմամբ   բուժօգնության է տեղափոխվել 1958 թ. ծնված Հարություն Կ.-ն:

Ըստ բժշկի տեղեկանքի`  նա  ի վիճակի չի եղել հաղորդում տալու: 

Ձեռնարկված օպերատիվ-հետախուզական միջոցառումների շնորհիվ պարզվել է, որ ապրիլի 15-ին, ժամը 20.00-ին, Երևանի Բաբաջանյան փողոցում գտնվող կրթահամալիրի   բացօթյա մարզադաշտի մոտ, վիճաբանության ժամանակ, իր մոտ եղած դեռևս չպարզված կտրող-ծակող առարկայով Հարություն Կ.-ին հարվածել և վնասվածքները պատճառել է 1978 թ. ծնված Վարդան Մ.-ն:

Ձեռնարկվում են միջոցառումներ Վարդան Մ.-ին հայտնաբերելու ուղղությամբ:

Կատարվում է նախաքննություն: