Գլխավոր էջ
ՆՈՐՈՒԹՅՈՒՆՆԵՐ
Օպերատիվ ամփոփագրեր
ՃՏ պատահարներ
Վրաերթ կատարած և փախուստի դիմած վարորդը հայտնաբերվել է

Վրաերթ կատարած և փախուստի դիմած վարորդը հայտնաբերվել է

29.08.2013 12:36 ՃՏ պատահարներ

Օգոստոսի 24-ին, ժամը 17.25-ին, ոստիկանության Երևան քաղաքի վարչության օպերատիվ կառավարման կենտրոն զանգահարած քաղաքացին հայտնել է, որ Ագաթանգեղոս-Խորենացի փողոցների խաչմերուկում «ՎԱԶ-2121» մակնիշի ավտոմեքենան վրաերթի է ենթարկել մի քաղաքացու և դիմել փախուստի:

Օգոստոսի 24-ին, ժամը 17.40-ին, հիվանդանոցից ոստիկանությունում հաղորդում է ստացվել, որ «պոլիտրավմա» ախտորոշմամբ բուժօգնության է տեղափոխվել Չարենցավան քաղաքի 63-ամյա մի բնակիչ, որը հայտնել է, որ Ագաթանգեղոս փողոցում վայր է ընկել:

Ձեռնարկված միջոցառումների շնորհիվ պարզվել է, որ օգոստոսի 24-ին, ժամը 17.20-ի սահմաններում, Ագաթանգեղոս-Խորենացի փողոցների խաչմերուկում «ՎԱԶ-2121»-ի վարորդը` 1962 թ. ծնված Մխիթար Պ.-ն, վրաերթի է ենթարկել հիվանդանոց տեղափոխված տղամարդուն:

Բացատրական աշխատանքների շնորհիվ՝ օգոստոսի 28-ին, ժամը 20.40-ին, Մխիթար Պ.-ն ներկայացել է բաժին և տվել խոստովանական բացատրություն:

Կատարվում է քննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Վրաերթ կատարած և փախուստի դիմած վարորդը հայտնաբերվել է

ՀԻՄՆԱԿԱՆ