Վրաերթի ենթարկված 80-ամյա տղամարդը մահացել է
05.08.2023 11:11
ՃՏ պատահարներ
![Վրաերթի ենթարկված 80-ամյա տղամարդը մահացել է Վրաերթի ենթարկված 80-ամյա տղամարդը մահացել է](/timthumb?src=/resources/police/img/news/big/1691219576-4867.jpeg&q=75&w=780&wm=1)
Օգոստոսի 4-ին, ժամը 17.35-ին, Էջմիածին քաղաքի շտապօգնության կայանից ոստիկանության Վաղարշապատի բաժին հաղորդում է ստացվել, որ 80-ամյա Վանուշ Հովակիմյանը Էջմիածնի Կարճիկյան փողոցի շենքերից մեկի բակում մահացել է:
Նշված հասցե մեկնած Վաղարշապատի բաժնի քրեական հետախույզները պարզել են, որ «ՎԱԶ-21099» մակնիշի մեքենայի վարորդը հետընթաց կատարելիս վրաերթի է ենթարկել Վանուշ Հովակիմյանին, որը ստացած մարմնական վնասվածքներից տեղում մահացել է:
Կազմված փաստաթղթերն ուղարկվել են Վաղարշապատի քննչական բաժին:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: