Վրաերթ Ռոստովյան փողոցում. տարեց կինը տեղում մահացել է (ԼՈՒՍԱՆԿԱՐՆԵՐ)
![Վրաերթ Ռոստովյան փողոցում. տարեց կինը տեղում մահացել է (ԼՈՒՍԱՆԿԱՐՆԵՐ) Վրաերթ Ռոստովյան փողոցում. տարեց կինը տեղում մահացել է (ԼՈՒՍԱՆԿԱՐՆԵՐ)](/timthumb?src=/resources/police/img/news/big/1518425297,6257.jpeg&q=75&w=780&wm=1)
Փետրվարի 10-ին, ժամը 22.20-ին, անհայտ ավտոմեքենայի վարորդը Երևանի Ռոստովյան փողոցի թիվ 64 հասցեի դիմաց վրաերթի էր ենթարկել 1941 թ. ծնված Քնարիկ Կարապետյանին, որը մարմնական վնասվածքներից տեղում մահացել էր:
Ոստիկանության ծառայողների ձեռնարկած միջոցառումների շնորհիվ պարզվել է, որ վրաերթը կատարել է «ԿԻԱ» մակնիշի, 90 TL 001 պետհամարանիշի ավտոմեքենայի վարորդը:
Փետրվարի 11-ին, ժամը 00.10-ին, կամավոր ոստիկանության Շենգավիթի բաժին է ներկայացել 33-ամյա մի տղամարդ և հայտնել, որ ինքն է վրաերթի ենթարկել Ք. Կարապետյանին իր վարած, նշված ավտոմեքենայով:
Վարորդը ձերբակալված է:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: