Մահվան ելքով վրաերթ. փախուստի դիմած վարորդը հայտնաբերվել է

Փետրվարի 20-ին, ժամը 06.30-ի սահմաններում, Երևան-Արմավիր ճանապարհի 12-րդ կմ-ին «Ռենո» մակնիշի ավտոմեքենայի վարորդը վրաերթի է ենթարկել 73-ամյա Մրազ Իբոյանին, որը մահացել է: Վարորդը պատահարի վայրից դիմել է փախուստի:
Ոստիկանության Վաղարշապատի բաժնի քրեական հետախույզների ձեռնարկած օպերատիվ-հետախուզական միջոցառումների արդյունքում «Ռենոյի» վարորդը ժամը 12.30-ին Երևան քաղաքի Շերամի փողոցում հայտնաբերվել, ձերբակալվել և տեղափոխվել է Վաղարշապատի բաժին: Նա ներկայացվել է նախաքննական մարմին:
Նախաձեռնվել է քրեական վարույթ: