Վրաերթ կատարած ավտոմեքենայի վարորդը ներկայացել է ոստիկանություն

Մարտի 15-ին, ժամը 06.30-ին, Երևանի Արգիշտիի փողոցի բակերից մեկի ճանապարհին անհայտ ավտոմեքենան վրաերթի է ենթարկել 23-ամյա երիտասարդի, որից հետո՝ բախվել ճամփեզրին կայանված «Լեքսուս» մակնիշի ավտոմեքենայի:
Վրաերթի ենթարկված երիտասարդը տեղափոխվել է հիվանդանոց:
Մարտի 15-ին, ժամը 20.10-ին, Երևան քաղաքի քննչական վարչություն է ներկայացել 26-ամյա երիտասարդ և հայտնել, որ նշված վրաերթը կատարել է ինքը՝ «Օպել» մակնիշի ավտոմեքենայով:
Կատարվում է քննություն: