ԼՐԱՑՎԱԾ. Վանաձորում վրաերթի ենթարկված տղամարդը մահացել է

Մարտի 30-ին, ժամը 11.20-ի սահմաններում, վրաերթի ենթարկված տղամարդը՝ 1975 թ. ծնված Արմեն Դավթյանը, մահացել է:
Նախաքննությունը շարունակվում է:

22.03.2022 Վրաերթ կատարած վարորդը ներկայացել է ոստիկանություն

Մարտի 20-ին, ժամը 23.00-ի սահմաններում, Վանաձոր քաղաքի Շինարարների փողոցում անհայտ մակնիշի ավտոմեքենայի վարորդը վրաերթի էր ենթարկել 47-ամյա քաղաքացու և դիմել փախուստի:
Քաղաքացին մարմնական վնասվածքներով տեղափոխվել էր հիվանդանոց:
Ձեռնարկված օպերատիվ-հետախուզական միջոցառումների և բացատրական աշխատանքի շնորհիվ մարտի 21-ին, ժամը 14.25-ին, ոստիկանության Բազումի բաժին է ներկայացել 31-ամյա երիտասարդ և հայտնել, որ վրաերթը կատարել է ինքը՝ իր կողմից շահագործվող «Կիա» մակնիշի ավտոմեքենայով:
Նախաքննությունը շարունակվում է: