Ոստիկանները հայտնաբերեցին Վրաստանի իրավապահների կողմից հետախուզվողին

«Հետախուզում-2019» օպերատիվ-կանխարգելիչ միջոցառման շրջանակներում ոստիկանության ՔՀԳՎ, Արաբկիրի բաժնի և ՊՊԳՎ Քանաքեռ-Զեյթունի պահպանության բաժնի ծառայողների ձեռնարկած միջոցառումների շնորհիվ մայիսի 27-ին, ժամը 09.30-ին, Երևանի Կոմիտասի պողոտայի բնակարաններից մեկից բերման է ենթարկվել 41-ամյա Արտյոմ Կ.-ն, որը 2002թ.-ից հետախուզվում էր Վրաստանի քրեական օրենսգրքի 19,109 հոդվածի «Կ» կետի (հանցափորձ, դիտավորյալ սպանություն ծանրացուցիչ հանգամանքներում) մեղադրանքով: