Տանը հրդեհ է բռնկվել էլեկտրական վառարանից. բնակիչները քնած են եղել

Հունվարի 19-ին, ժամը 04.20-ին, ոստիկանության Էրեբունու բաժնում ահազանգ է ստացվել, որ Արցախի փողոցի թիվ 8/2 շենքի 10-րդ հարկում տուն է այրվում, իսկ 04.50-ին Այրվածքաբանության կենտրոնից հաղորդում է ստացվել, որ «դեմքի, վերջույթների թերմիկ այրվածք 2-րդ և 3-րդ աստիճանի» ախտորոշմամբ իրենց մոտ բուժօգնության է տեղափոխել 1971 թ. ծնված Կարեն Չ.-ն` հայտնելով, որ գիշերը արթնանալով նկատել, որ տանը հրդեհ է բռնկվել:
Մեկնած օպերատիվ խումբը պարզել է, որ հրդեհը բռնկվել է էլեկտրական վառարանի այրման հետևանքով, երբ բնակիչները քնած են եղել:
Հրդեհը մարվել է նույն օրը, ժամը 05.00-ին` մարտական 3 հաշվարկի ուժերով:
Կատարվում է հետաքննություն: