Տանտիրուհին բռնել է գողին
![Տանտիրուհին բռնել է գողին Տանտիրուհին բռնել է գողին](/timthumb?src=/resources/police/img/news/big/1530104148,2606.jpeg&q=75&w=780&wm=1)
Հունիսի 26-ին, ժամը 18.45-ին, ոստիկանության Կոտայքի բաժին է զանգահարել մի կին և հայտնել, որ իր տանը գող է բռնել:
Մեկնած օպերատիվ խմբին նույն օրը, ժամը 19.15-ին, ահազանգած կինը հաղորդում է տվել, որ հունիսի 26-ին ժամը 18.40-ի սահմաններում, եկել է տուն և տեսել, որ այն թալանված է: Այգում նկատելով մի անծանոթ կնոջ՝ բռնել է նրան և զանգահարել ոստիկանություն:
Պարզվել է, որ անծանոթուհին 1967 թ. ծնված Նունե Մ.-ն է:
Այգուց հայտնաբերվել է սպասք, կենցաղային իրեր, հագուստ և սնունդ:
Նունե Մ.-ն տվել է խոստովանական ցուցմունք նշվածի վերաբերյալ և հավելել, որ հունիսի 25-ի ժամը 22.00-ից մինչև հունիսի 26-ի ժամը 21.50-ն ընկած ժամանակահատվածում, Գառնի գյուղի սկզբնամասում գտնվող այգու տաղավարից և պահակակետի բաց դռնից մուտք է գործել ներս, գողացել է կենցաղային իրեր, հեռուստացույց և հագուստ:
Ձեռնարկվում են միջոցառումներ վնասի չափը պարզելու և գողոնը հայտնաբերելու ուղղությամբ:
Նունե Մ.-ն ձերբակալված է:
Կատարվում է նախաքննություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: