Տավուշի ոստիկանները թմրանյութ են հայտնաբերել

Ոստիկանությունը շարունակում է թմրանյութերի օգտագործման և անօրինական թմրաշրջանառության դեմ հետևողական պայքարը: Օգոստոսի 6-ին հերթական դեպքը բացահայտեցին ոստիկանության Տավուշի բաժնի ծառայողները։
Քրեական հետախույզները ժամը 22-ի սահմաններում, ապօրինի թմրանյութ պահելու և օգտագործելու կասկածանքով, բաժին բերման ենթարկեցին Այգեձոր գյուղի 36-ամյա մի բնակչի: Նրա անձնական խուզարկությամբ հայտնաբերվեց կանեփանման զանգված:
Ըստ բերման ենթարկվածի՝ բուսական զանգվածը պատրաստել էր վայրաճ կանեփի թփերից։ Նույն օրը ոստիկանները զննությամբ նրա տանը հայտնաբերեցին 6 փաթեթ չորացված, մանրացված կանեփանման զանգվածներ, որոնցից մեկը մշակված էր ացետոնով։
Նշանակվել են դատաքիմիական և տոքսիկաքիմիական փորձաքննություններ:
Հանգամանքները քննությամբ պարզվում են։