Տաքսու վարորդը ճանաչել է իրեն կողոպտած ուղևորին
![Տաքսու վարորդը ճանաչել է իրեն կողոպտած ուղևորին Տաքսու վարորդը ճանաչել է իրեն կողոպտած ուղևորին](/timthumb?src=/resources/police/img/news/big/1397115068,9213.jpeg&q=75&w=780&wm=1)
2013 թ. մարտի 19-ին, ժամը 18.05-ին, ոստիկանության Մալաթիայի բաժնում հաղորդում էր ստացվել, որ ժամը 18.00-ին Երևանի Անդրանիկի փողոցում, «Սամանդ» մակնիշի տաքսի ավտոմեքենայի սրահում, ուղևորը դանակի սպառնալիքով վարորդից` 1989 թ. ծնված Հակոբ Ղ.-ից, բացահայտ հափշտակել է 19.000 դրամ և դիմել փախուստի:
Ս/թ. ապրիլի 8-ին, ժամը 20.30-ին, ոստիկանության ծառայողները Երևանի Բաբաջանյան փողոցի թիվ 16 շենքի մոտից բերման են ենթարկել 1974 թ. ծնված, նախկինում 2 անգամ դատված Արթուր Մ.-ն, որին, ճանաչման ներկայացնելու ժամանակ, մատնացույց է արել տուժողը:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: