ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Մասիսի ոստիկանները տերմինալների գողություններ են բացահայտել

23.09.2020 14:54 Գողություն

Սեպտեմբերի 17-ին ոստիկանության Մասիսի բաժնում հաղորդում տվեց Սայաթ- Նովա գյուղի մի խանութի սեփականատեր: Նա հայտնեց, որ առավոտյան ժամը 5-ի կողմերը տեխնիկական միջոցների կիրառմամբ բացել են խանութի դուռը և գողացել վճարային տերմինալը: Սեփականատիրոջ խոսքով`պատճառվել էր շուրջ 800 հազար դրամի վնաս, այդ թվում` տերմինալում եղած 170 հազար կանխիկ գումարը:
Մասիսի ոստիկանները մեկնեցին դեպքի վայր, ձեռնարկեցին համապատասխան միջոցներ: Նույն օրը Արարատի մարզի Դաշտադեմ գյուղի դաշտում հայտնաբերվեց վճարային տերմինալը` վնասված ու դատարկ:
Հարուցվեց քրեական գործ: Ոստիկանության Արարատի մարզային վարչության, Մասիսի, Արտաշատի և Արարատի բաժինների ծառայողների ձեռնարկած համատեղ օպերատիվ-հետախուզական միջոցառումների արդյունքում ստացվեց տեղեկություն, որ Սայաթ-Նովա գյուղի գողությունը կատարել են երկու տղամարդ, որոնցից մեկը գտնվում է հետախուզման մեջ` թմրամիջոցների անօրինական շրջանառության մեղադրանքով: Հետագա միջոցառումներով պարզվեց, որ երկուսն էլ մշտական բնակության վայր չունեն, ժամանակավորապես բնակվում են մայրաքաղաքի Արշակունյաց փողոցի հյուրանոցներից մեկում, որ դա տղամարդկանց կատարած միակ գողությունը չէ, և որ գողությունների մեկնում են նրանցից մեկի վարած «ԲՄՎ» մակնիշի բրոնզագույն մեքենայով` ամեն անգամ մեքենային փակցնելով նոր, գողացված համարանիշ:
Սեպտեմբերի 18-ին օպերատիվ խումբը մեկնեց հիշյալ հյուրանոց` տղամարդկանց բերման ենթարկելու: Ժամը 18.05-ին նրանց զբաղեցրած սենյակում իրավապահները սեղանին հայտնաբերեցին երեք ներարկիչ և ծխախոտի տուփ` լցված սուր հոտով շագանակագույն զանգվածով: Տղամարդկանցից մեկը հայտնեց, որ տուփի մեջ հերոին է` իր օգտագործման համար: Հյուրանոցի բակում հայտնաբերվեց նաև բրոնզագույն «ԲՄՎ-ն»: Տղամարդիկ, թմրանյութով ու մեքենայով հանդերձ, բերման ենթարկվեցին ոստիկանության Մասիսի բաժին:
Մեքենայի զննությամբ հայտնաբերվել է 270 հազար դրամ, հեղուկով լցված երեք պլաստիկ տարա, սպիտակ փոշու զանգված, գործիքներ, հագուստ, բջջային հեռախոսներ:
Տղամարդկանցից մեկը, խոստովանելով վերոհիշյալ գողությունը, պատմեց, որ այս տարվա հունիս-սեպտեմբեր ամիսներին կատարել են նաև տերմինալի գողություններ` Նոր Խարբերդ, Նշավան, Ոսկետափ, Նոր Կյանք, Ակնալիճ և Մրգաշեն գյուղերի խանութներից, ընդ որում, վերջին գյուղի՝ երկու խանութից: Գրեթե բոլոր դեպքերում տարել են նաև ծխախոտ: Մասիսում և Արևաբույր գյուղում փորձել են գողություն կատարել երկու խանութից, բայց՝ անհաջող, Մասիսի մի խանութից էլ գողացել են միայն ծխախոտ:
Մրգավետ-Ջրաշեն գյուղերի ճանապարհին՝ առվի մեջ, հայտնաբերվեց վճարային տերմինալ, որը, ըստ տղամարդու, գողացել են Նշավանի խանութից:
Հարուցված քրեական գործով նախաքննությունը շարունակվում է:

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: