Տուժողը բռնել է կողոպտչին

Մարտի 18-ին, ժամը 12.30-ին, Թաիրով գյուղի բնակիչ Մովսես Բ.-ից ոստիկանության Վաղարշապատի բաժնում ահազանգ է ստացվել, որ իրեն պատկանող «ՎԱԶ-2101» մակնիշի ապակին կոտրելով՝ սրահից գողացել են ձայնարկիչի շարժական էկրանը և ինքը բռնել է հանցագործին:
Մեկնած օպերատիվ խումբը պարզել է, որ հանցանքը կատարել է ՌԴ քաղաքացի, 1995 թ. ծնված Եգոր Պ.-վ` սեփականատիրոջը պատճառելով 190.000 դրամի նյութական վնաս:
Եգոր Պ.-ն բերման է ենթարկվել բաժին և տվել խոստովանական բացատրություն:
Կատարվում է հետաքննություն: