Տուժողներին դատաբժշկի ուղեգրեր են տրվել

12.11.2013 10:51 Մարմնական վնասվածք

Նոյեմբերի 10-ին, ժամը 20.30-ին, 1966 թ. ծնված Բհար Ֆ.-ն ոստիկանության Արմավիրի բաժնում հաղորդում է տվել, որ նույն օրը, ժամը 16.30-ի սահմաններում, Տանձուտ գյուղի վերջնամասում, վիճաբանության ժամանակ, համագյուղացիներ` 1975 թ. ծնված Արտակ Հ.-ն և 1970 թ. ծնված Լևոն Հ.-ն, ծեծի են ենթարկել իրեն, եղբորը` 1970 թ. ծնված Թոռնիկ Խ.-ին, նրա որդուն` 1993 թ. ծնված Զորիկ Խ.-ին, և 1976 թ. ծնված Լուսինե Ա.-ին` պատճառելով մարմնական վնասվածքներ:

Նույն օրը, ժամը 22.20-ին, «Արմավիր» բժշկական կենտրոնից ոստիկանությունում հաղորդում է ստացվել, որ մարմնական վնասվածքներով բուժօգնության են դիմել Զորիկ Խ.-ն և 1981 թ. ծնված Արայիկ Մ.-ն` հայտնելով, որ վնասվածքներն իրենց պատճառել են Արտակ և Լևոն Հ.-երը:

Նոյեմբերի 11-ին, ժամը 00.25-ին, «Արմավիր» բժշկական կենտրոնից կրկին հաղորդում է ստացվել, որ վնասվածքներով բուժօգնության է դիմել 1995 թ. ծնված Մովսես Հ.-ն, որը հայտարարել է, որ նույն վիճաբանության ժամանակ իրեն ծեծի է ենթարկել Զորիկ Խ.-ն:

Բհար Ֆ.-ին, Զորիկ Խ.-ին, Արայիկ Մ.-ին և Մովսես Հ.-ին տրվել են դատաբժշկի ուղեգրեր:

Կատարվում է հետաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Տուժողներին դատաբժշկի ուղեգրեր են տրվել

ՀԻՄՆԱԿԱՆ