Տվել է ինքնախոստովանական բացատրություն

Հուլիսի 27-ին, ժամը 06.40-ին, հիվանդանոցից  ոստիկանության Հրազդանի բաժնում հաղորդում է ստացվել, որ «աջ նախաբազկի զարկերակային կտրվածք» ախտորոշմամբ շտապօգնության վերակարգով իր տնից   բուժօգնության է տեղափոխվել 1934 թ. ծնված Տորիկ Գ.-ն, որը, ըստ բժշկի տեղեկանքի, հիվանդանոցում ի վիճակի չի եղել հայտարարություն տալու:

Նշանակվել է դատաբժշկական փորձաքննություն:

Ձեռնարկված օպերատիվ-հետախուզական և քննչական միջոցառումների շնորհիվ պարզվել է, որ Տորիկ Գ.-ին քնած ժամանակ, նույն օրը, ժամը 06.00-ի սահմաններում, դանակով հարվածել և  վնասվածքը պատճառել է ամուսինը` 1932 թ. ծնված  Սոս Գ.-ն:

Նույն օրը, ժամը 11.00-ին, Սոս Գ.-ն տվել է ինքնախոստովանական բացատրություն:

Հանցագործության գործիք  դանակն առգրավված է:

Հանգամանքները պարզվում են:

Կատարվում է նախաքննություն: