Փախուստի դիմած կողոպտիչը հայտնաբերվեց

Սեպտեմբերի 7-ին, ժամը 18.30-ին,  ոստիկանության Մուշի բաժին է դիմել  20-ամյա մի աղջիկ  և  հաղորդում  տվել, որ նույն օրը, ժամը 16.00-ի սահմաններում, իր նախկին ընկերը` 1988 թ. ծնված  Ալբերտ Խ.-ն, Գյումրիի Պարույր Սևակի փողոցի թիվ 8 շենքի մոտ ձեռքով հարվածել է իր դեմքին և վերցնելով ձեռքից բջջային հեռախոսը` դիմել է փախուստի:

Ձեռնարկված օպերատիվ-հետախուզական միջոցառումների շնորհիվ, սեպտեմբերի 7-ին, ժամը 21.50-ին, Ալբերտ Խ.-ն բերման է ենթարկվել բաժին:

Հեռախոսն առգրավված է: 

Կատարվում է նախաքննություն: