Զանգելու պատրվակով վերցրել էր հեռախոսն ու դիմել փախուստի
![Զանգելու պատրվակով վերցրել էր հեռախոսն ու դիմել փախուստի Զանգելու պատրվակով վերցրել էր հեռախոսն ու դիմել փախուստի](/timthumb?src=/resources/police/img/news/big/1702023070-8496.jpeg&q=75&w=780&wm=1)
Դեկտեմբերի 7-ին ոստիկանության Շենգավիթի բաժին էր դիմել 41-ամյա մի կին և հայտնել, որ Նժդեհի փողոցի շենքերից մեկի բակում անհայտ անձը զանգելու պատրվակով վերցրել է իր անչափահաս որդու հեռախոսը և դիմել փախուստի:
Ձեռնարկված միջոցառումների արդյունքում քրեական հետախույզներն արագ պարզեցին կողոպուտը կատարողի ինքնությունը: 19-ամյա աղջիկը Ավանեսովի փողոցում հայտնաբերվել, կողոպուտը կատարելու կասկածանքով ձերբակալվել և տարվել է Շենգավիթի բաժին: Նա ներկայացվել է նախաքննական մարմին, որտեղ խոստովանել է արարքը: Հայտնել է, որ Շենգավիթ վարչական շրջանում կատարել է նաև գողություն:
Նախաձեռնվել է քրեական վարույթ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: