Քասախի այգիներից կատարված գողությունները բացահայտվեցին

Ոստիկանության Նաիրիի բաժնի ծառայողները մարտի 20-ին, ժամը 12.00-ին, Քասախ գյուղի Վ.Սարգսյան փողոցի 5 շենքի բակից, գողություն կատարելու կասկածանքով, բերման են ենթարկել 1980 թ. ծնված Դմիտրի Ս.-ին, որը խոստովանել է, որ փետրվար ամսվա ընթացքում Քասախ գյուղի վարչական տարածքի այգիներում տեղակայված քարե և երկաթե տնակներից գողացել է ալյումինե ու պղնձե մալուխներ և ալյումինե կաթսաներ:
Ոստիկանության ծառայողների ձեռնարկած միջոցառումների շնորհիվ պարզվել է տուժողների ինքնությունը: Նրանցից ընդունվել են հաղորդումներ:
Վնասի չափը պարզվում է:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է քննություն:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: