ՔՈԳՎ ծառայողները հետախուզվողի են հայտնաբերել

Ոստիկանության ՔՈ գլխավոր վարչության ծառայողների ձեռնարկած օպերատիվ-հետախուզական միջոցառումների արդյունքում մարտի 12-ին Երևան քաղաքի Դավիթ Բեկի փողոցում հայտնաբերվել և ՔՈԳՎ բերման է ենթարկվել 37-ամյա Պողոս Ա.-ն, որը ոստիկանության Մասիսի բաժնի կողմից հետախուզվում էր ՀՀ քրեական օրենսգրքի 112-րդ հոդվածի (Դիտավորությամբ առողջությանը ծանր վնաս պատճառելը) մեղադրանքով:
Խափանման միջոցը՝ կալանք:
Պարզվել է, որ Պողոս Ա.-ն 2021 թ. մարտի 18-ից Մոսկվա քաղաքի իրավապահների կողմից հետախուզվում էր տրանսպորտային միջոց վարելու իրավունքից զրկված անձի կողմից ոչ սթափ վիճակում տրանսպորտային միջոցը վարելու մեղադրանքով:
Առանց խափանման միջոցի:
Հայտնաբերման մասին հայտնվել է ՌԴ իրավապահ մարմիններին:
Պողոս Ա.-ն փոխանցվել է ոստիկանության Մասիսի բաժնի ծառայողներին: