Քրեական ոստիկանության ծառայողները հետախուզվողի են հայտնաբերել

Մարտի 12-ին քրեական ոստիկանության գլխավոր վարչության ծառայողները Երևանի Դավիթ Բեկի փողոցում հայտնաբերել ու բերման են ենթարկել Այնթապ գյուղի 38-ամյա մի բնակչի: Նա 2021 թվականի դեկտեմբերի 17-ից ոստիկանության Մասիսի բաժնի կողմից հետախուզվում էր դիտավորությամբ առողջությանը ծանր վնաս պատճառելու մեղադրանքով։
Խափանման միջոցը` կալանք:
Պարզվել է, որ 38-ամյա տղամարդը նախորդ տարվա մարտի 18-ից հետախուզվում էր նաև Ռուսաստանի իրավապահների կողմից՝ ոչ սթափ վիճակում և տրանսպորտային միջոց վարելու իրավունքից զրկված լինելով՝ մեքենա վարելու համար: Նա տեղափոխվել է ոստիկանության Մասիսի բաժին: