Քրեական օրենսգրքի երեք հոդվածների մեղադրանքով հետախուզվողը հայտնաբերվեց

Ոստիկանության Կենտրոնական բաժնի քրեական հետախույզները, իրացնելով օպերատիվ տվյալները, նոյեմբերի 28-ին, ժամը 09.26-ին, Երևանի Սայաթ-Նովայի պողոտայից բերման են ենթարկել 27-ամյա Աշոտ Ղ.-ին, որը նոյեմբերի 11-ից հետախուզվում էր ՀՀ քրեական օրենսգրքի 176-րդ հոդվածի (Կողոպուտը) 2-րդ մասի 4-րդ կետի, 182-րդ հոդվածի (Շորթումը) 1-ին մասի և 175-րդ հոդվածի (Ավազակությունը) 2-րդ մասի 4-րդ կետի մեղադրանքով: