Օդանավակայանի սրահից դրամապանակ գողացողին հայտնաբերեցին
03.04.2014 12:21
Գողություն
![Օդանավակայանի սրահից դրամապանակ գողացողին հայտնաբերեցին Օդանավակայանի սրահից դրամապանակ գողացողին հայտնաբերեցին](/timthumb?src=/resources/police/img/news/big/1396513438,2721.jpeg&q=75&w=780&wm=1)
Մարտի 26-ին մի քաղաքացի ոստիկանության «Զվարթնոց» օդանավակայանի գծային բաժնում դիմում էր ներկայացրել, որ նույն օրը օդանավակայանում կորցրել է դրամապանակը, որի մեջ եղել է կանխիկ գումար, 3 բանկային քարտ և բջջային հեռախոս:
Ոստիկանության ծառայողների ձեռնարկած միջոցառումների շնորհիվ պարզվել է, որ դրամապանակը օդանավակայանի մեկնման սրահի նստարանի վրայից գողացել է 1983 թ. ծնված Տիգրան Ա.-ն, որը ներկայացել է գծային բաժին և խոստովանել կատարածը:
Կատարվում է քննություն:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: