Օպերատիվ իրավիճակը հանրապետությունում մայիսի 2-ից 3-ը
![Օպերատիվ իրավիճակը հանրապետությունում մայիսի 2-ից 3-ը Օպերատիվ իրավիճակը հանրապետությունում մայիսի 2-ից 3-ը](/timthumb?src=/resources/police/img/news/big/1651560155-7933.jpeg&q=75&w=780&wm=1)
Ըստ ոստիկանության օպերատիվ հաղորդագրությունների ամփոփագրերի՝ մայիսի 2-ից 3-ը Հայաստանի Հանրապետության ոստիկանության ստորաբաժանումները բացահայտել են հանցագործության 46 դեպք, որից 2-ը՝ նախկինում կատարված։
Մասնավորապես՝ ծանր վիրավորանքի՝ 9, անձնական ունեցվածքի գողության և խարդախության՝ 6-ական, մարմնական վնասվածք պատճառելու, ընտանեկան բռնության ու պաշտոնեական լիազորություններն անցնելու՝ 4-ական, անձի առևանգման, պետական-հասարակական ունեցվածքի գողության, յուրացնելու կամ վատնելու, շորթման, թմրամիջոցի հայտնաբերման, պաշտոնեական կեղծիքի կամ անփութության, անձին ապօրինի ազատությունից զրկելու, պետական կամ համայնքային սեփականություն հանդիսացող հողամասերի ինքնակամ զավթման, պոռնկությամբ զբաղվելուն նպաստելու, սպանության սպառնալիքի և բռնություն գործադրելու հրապարակային կոչեր անելու՝ 1-ական դեպք։
Հայտնաբերվել է 1 անհետ կորած, 4 հետախուզվող, կամավոր ներկայացել՝ 2 հետախուզվող։
Նախկինում կատարված հանցագործություններից բացահայտվել է անձնական ունեցվածքի գողության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 14 պատահար. 1 մարդ զոհվել է, 17-ը՝ ստացել տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: