Օպերատիվ իրավիճակը հանրապետությունում հուլիսի 1-ից 4-ը
![Օպերատիվ իրավիճակը հանրապետությունում հուլիսի 1-ից 4-ը Օպերատիվ իրավիճակը հանրապետությունում հուլիսի 1-ից 4-ը](/timthumb?src=/resources/police/img/news/big/1656918803-5321.jpeg&q=75&w=780&wm=1)
Ըստ ոստիկանության օպերատիվ հաղորդագրությունների ամփոփագրերի՝ հուլիսի 1-ից 4-ը Հայաստանի Հանրապետության ոստիկանության ստորաբաժանումները բացահայտել են հանցագործության 76 դեպք, որից 2-ը՝ նախկինում կատարված։
Մասնավորապես՝ մարմնական վնասվածք պատճառելու` 26, անձնական ունեցվածքի գողության՝ 9, թմրամիջոցի հայտնաբերման՝ 5, ընտանեկան բռնության՝ 4, խարդախության և պաշտոնեական լիազորությունները չարաշահելու՝ 3-ական, կողոպուտի, յուրացնելու կամ վատնելու, խուլիգանության, սպանության սպառնալիքի, ծեծի ու պաշտոնատար անձի օրինական ծառայողական կամ քաղաքական գործունեությանը միջամտելու՝ 2-ական, բնակարանային գողության, ավտոմեքենա փախցնելու, գույքը դիտավորությամբ ոչնչացնելու, ապօրինի կամ կեղծ ձեռնարկատիրության, զենք-զինամթերքի առգրավման, ապօրինի ծառահատման, կաշառակերության, պաշտոնեական անփութության, պաշտոնեական լիազորություններն անցնելու, պետական սահմանն ապօրինի հատելու և փաստաթղթեր կեղծելու, ծնողի և երեխայի միջև տեսակցության իրականացմանը խոչընդոտելու և գույքը դիտավորությամբ ոչնչացնելու սպառնալիքի՝ 1-ական դեպք։
Հայտնաբերվել են 2 անհետ կորած, 7 հետախուզվող։ Կամավոր ներկայացել է 6 հետախուզվող։
Գրանցվել է զենք-զինամթերքի կամավոր հանձնման 6 դեպք։
Նախկինում կատարված հանցագործություններից բացահայտվել է մարմնական վնասվածք պատճառելու և անձնական ունեցվածքի գողության 1-ական դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 34 պատահար. 1 մարդ զոհվել է, 40-ը՝ ստացել տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: