Օպերատիվ իրավիճակը հանրապետությունում դեկտեմբերի 5-ից 6-ը

Ըստ ոստիկանության օպերատիվ հաղորդագրությունների ամփոփագրերի՝ դեկտեմբերի 5-ից 6-ը Հայաստանի Հանրապետության ՆԳՆ ոստիկանության ստորաբաժանումները բացահայտել են հանցագործության 73 դեպք, որոնցից 1-ը՝ նախկինում կատարված։
Մասնավորապես՝ թմրամիջոցի հայտնաբերման՝ 16, անձնական ունեցվածքի գողության՝ 8 ֆիզիկական ներգործության, խարդախության և խուլիգանության՝ 7-ական, մարմնական վնասվածք պատճառելու՝ 6, զենք-զինամթերքի առգրավման՝ 3, պաշտոնեական լիազորությունների չարաշահման, թմրանյութի իրացման ու ծառերը, թփերը ապօրինի հատելու՝ 2-ական, սպանության փորձի, հոգեկան ներգործության, խոշտանգման, մարդու առևանգման, սեքսուալ բնույթի բռնի գործողությունների, վստահված գույքը հափշտակելու, շորթման, համակարգչային հափշտակության, գույքը ոչնչացնելու կամ վնասելու, կաշառակերության, պաշտոնատար անձի ծառայողական գործունեությանը միջամտելու և աշխատանքի պաշտպանության կանոնները խախտելու՝ 1-ական։
Հայտնաբերվել է 6 հետախուզվող։ Կամավոր ներկայացել է 1 հետախուզվող։
Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործություններից բացահայտվել է պետական ունեցվածքի գողության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 8 պատահար. 12 մարդ ստացել է տարբեր աստիճանի մարմնական վնասվածքներ: