ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

Օպերատիվ իրավիճակը հանրապետությունում սեպտեմբերի 6-ից 9-ը (ՏԵՍԱՆՅՈՒԹ)

Ըստ ոստիկանության օպերատիվ հաղորդագրությունների ամփոփագրերի` սեպտեմբերի 6-ից 9-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 126 դեպք, որոնցից 17-ը՝ նախկինում կատարված։
Մասնավորապես՝ անձնական ունեցվածքի գողության՝ 24, մարմնական վնասվածք հասցնելու՝ 22, խարդախության` 12, ծեծի` 10, յուրացման կամ վատնման՝ 5, պաշտոնեական լիազորությունների չարաշահման, գույքը դիտավորությամբ վնասելու, թմրամիջոցի հայտնաբերման, ապօրինի ծառահատման, կաշառակերության և մշակումն արգելված թմրանյութեր պարունակող բույսեր ապօրինի ցանելու կամ աճեցնելու՝ 3-ական, խուլիգանության, պաշտոնեական կեղծիքի կամ անփութության, կողոպուտի, պետական սահմանն ապօրինի հատելու և գույքն անզգուշությամբ վնասելու՝ 2-ական, բնակարանային գողության, դրամանենգության, առևտրային կաշառքի, սուտ մատնության, փաստաթղթի կեղծիքի, ընդերքի պահպանման և օգտագործման կանոնները խախտելու, սպանության սպառնալիքի և աշխատանքի պաշտպանության կանոնները խախտելու՝ 1-ական դեպք։
Հայտնաբերվել է 2 անհետ կորած, 8 հետախուզվող, կամավոր ներկայացել է՝ 3-ը:
Գրանցվել է զենք-զինամթերքի կամավոր հանձնման 1 դեպք:
Նախկինում կատարված հանցագործություններից բացահայտվել է անձնական ունեցվածքի գողության՝ 9, վրաերթի և մարմնական վնասվածք հասցնելու՝ 2-ական, սպանության փորձի, բնակարանային գողության, գույքն անզգուշությամբ վնասելու և սպանության սպառնալիքի՝ 1-ական դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 37 պատահար, ինչի հետևանքով 2 մարդ զոհվել է, 61-ը՝ ստացել տարբեր աստիճանի մարմնական վնասվածքներ:

 

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: