Օպերատիվ իրավիճակը հանրապետությունում օգոստոսի 18-ից 21-ը

Ըստ ոստիկանության օպերատիվ հաղորդագրությունների ամփոփագրերի՝ օգոստոսի 18-ից 21-ը Հայաստանի Հանրապետության ոստիկանության ստորաբաժանումները բացահայտել են հանցագործության 153 դեպք, որից 6-ը՝ նախկինոմ կատարված։
Մասնավորապես՝ մարմնական վնասվածք պատճառելու՝ 33, թմրամիջոցի հայտնաբերման` 25, անձնական ունեցվածքի գողության՝ 15, ֆիզիկական ներգործության՝ 12, խարդախության՝ 9, շրջանառությունն արգելված թմրամիջոցներ, բույսեր ցանելու կամ աճեցնելու՝ 5, հոգեկան ներգործության, խուլիգանության և պաշտոնատար անձի ծառայողական գործունեությանը միջամտելու՝ 4-ական, վստահված գույքը հափշտակելու և գույքը հափշտակելու կամ վնասելու՝ 3-ական, բուժաշխատողի կողմից մասնագիտական պարտականությունները չկատարելու, զենք-զինամթերքի առգրավման, ծառերը, թփերը ապօրինի հատելու, ընտանեկան բռնության և աշխատանքային պաշտպանության կանոնները խախտելու՝ 2-ական, սպանության փորձի, մահվան ելքով մարմնական վնասվածք պատճառելու, սեքսուալ բնույթի բռնի գործողությունների, բնակարանային գողության, պետական ունեցվածքի գողության, շորթման, պաշտոնեական կեղծիքի կամ անփութության, բուժաշխատողի կողմից մասնագիտական պարտականությունները չկատարելու, թմրամիջոցի մաքսանենգության, պաշտոնեական լիազորությունները չարաշահելու, թմրանյութի իրացման, ինքնիրավչության, հրապարակային սակարկություններ կամ գնումներ անցկացնելիս չարաշահումների, 16 տարին չլրացած անձի նկատմամբ սեքսուալ բնույթի գործողություններ կատարելու, մարդու իմունային անբավարարության վիրուսով վարակելու, կենդանիների նկատմամբ դաժան վերաբերմունքի և ապօրինի կերպով քաղաքացիական ողորկափող հրազեն, գազային, օդաճնշիչ, սառը կամ նետողական զենք կրելու՝ 1-ական դեպք։
Հայտնաբերվել են 3 անհետ կորած և 10 հետախուզվող։ Կամավոր ներկայացել է 5 հետախուզվող։
Գրանցվել է զենք-զինամթերքի կամավոր հանձնման 2 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 3, մարմնական վնասվածք պատճառելու՝ 2, խարդախության՝ 1 դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 40 պատահար. 6 մարդ զոհվել է, 64-ը՝ ստացել տարբեր աստիճանի մարմնական վնասվածքներ: