Օպերատիվ իրավիճակը հանրապետությունում հուլիսի 27-ից 28-ը
![Օպերատիվ իրավիճակը հանրապետությունում հուլիսի 27-ից 28-ը Օպերատիվ իրավիճակը հանրապետությունում հուլիսի 27-ից 28-ը](/timthumb?src=/resources/police/img/news/big/1658992612-2812.jpeg&q=75&w=780&wm=1)
Ըստ ոստիկանության օպերատիվ հաղորդագրությունների ամփոփագրերի՝ հուլիսի 27-ից 28-ը Հայաստանի Հանրապետության ոստիկանության ստորաբաժանումները բացահայտել են հանցագործության 57 դեպք, որից 2-ը՝ նախկինում կատարված։
Մասնավորապես՝ թմրամիջոցի հայտնաբերման՝ 18, սառը զենքի հայտնաբերման՝ 8, մարմնական վնասվածք պատճառելու` 6, անձնական ունեցվածքի գողության, բնակարանային գողության և խուլիգանության՝ 3-ական, ընտանեկան բռնության, իշխանության ներկայացուցչի նկատմամբ բռնության, խարդախության և հարկերից խուսափելու՝ 2-ական, ավազակային հարձակման, հոգեկան ներգործության, իմունային անբավարարության վիրուսով վարակելու, զենք-զինամթերքի ապօրինի շրջանառության, ֆիզիկական ներգործության և պաշտոնատար անձի ծառայողական կամ քաղաքական գործունեությանը միջամտելու՝ 1-ական դեպք։
Հայտնաբերվել են 1 անհետ կորած և 5 հետախուզվող։ Կամավոր ներկայացել է 3 հետախուզվող։
Գրանցվել է զենք-զինամթերքի կամավոր հանձնման 4 դեպք։
Նախկինում կատարված հանցագործություններից բացահայտվել է անձնական ունեցվածքի գողության 2 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 10 պատահար. 1 մարդ զոհվել է, 13-ը՝ ստացել տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: