Օպերատիվ իրավիճակը հանրապետությունում ապրիլի 19-ից 20-ը
![Օպերատիվ իրավիճակը հանրապետությունում ապրիլի 19-ից 20-ը Օպերատիվ իրավիճակը հանրապետությունում ապրիլի 19-ից 20-ը](/timthumb?src=/resources/police/img/news/big/1650435982-1893.jpeg&q=75&w=780&wm=1)
Ըստ ոստիկանության օպերատիվ հաղորդագրությունների ամփոփագրերի՝ ապրիլի 19-ից 20-ը Հայաստանի Հանրապետության ոստիկանության ստորաբաժանումները բացահայտել են հանցագործության 92 դեպք, որից 12-ը՝ նախկինում կատարված։
Մասնավորապես՝ անձնական ունեցվածքի գողության՝ 22, խարդախության՝ 14, ընտանեկան բռնության՝ 8, մարմնական վնասվածք պատճառելու՝ 6, թմրամիջոցի հայտնաբերման և ծանր վիրավորանքի՝ 5-ական, ապօրինի ծառահատման՝ 3, պետական-հասարակական ունեցվածքի գողության, ահաբեկչության մասին սուտ հաղորդում տալու ու ծեծի՝ 2-ական, յուրացնելու կամ վատնելու, զենք-զինամթերքի առգրավման, անձնական կամ ընտանեկան կյանքի մասին տեղեկություններ ապօրինի հավաքելու, պահելու, օգտագործելու կամ տարածելու, սպանության սպառնալիքի, թմրանյութի իրացման, անձին ապօրինի ազատությունից զրկելու, անառակաբարո գործողությունների, բժշկական օգնություն և սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու, 16 տարին չլրացած անձի հետ սեռական հարաբերության, ինքնասպանության հասցնելու և սառը զենքի հայտնաբերման՝ 1-ական դեպք։
Հայտնաբերվել է 5 հետախուզվող, կամավոր ներկայացել է 1-ը։
Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 11, մարմնական վնասվածք պատճառելու՝ 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 73 պատահար. 10 մարդ ստացել է տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: